Ол үшін қазақстандық азаматтарға Қазақстанның Пусан қаласындағы Бас консулдығына жүгіну қажет
2022 жылдың 28 қарашасынан бастап Корея Республикасының аумағында “ҚР шегінен тыс жерлерде тұратын ҚР азаматтарына паспорттарды рәсімдеу” бойынша мемлекеттік қызметті электрондық форматқа көшіру бойынша “пилоттық жобасы” басталды, деп хабарлайды qaz365.kz тілшісі ҚР Сыртқы істер министрлігінің баспасөз қызметіне сілтеме жасап.
Аталған жоба ҚР сыртқы және ішкі істер министрліктерімен Президент Қасым-Жомарт Тоқаевтың Жолдауы аясында жүзеге асырылуда және Қазақстанның Пусан қаласындағы Бас консулдығына жүгінген қазақстандық азаматтарға паспортты 80 күннің орнына 30 күн ішінде алуға мүмкіндік береді.
“Бүгінгі таңда электрондық құжаттандыру жүйесі Қазақстанның БАӘ (Әбу-Даби, Дубай қалалары), Германия (Берлин, Майндағы Франкфурт, Мюнхен, Ганновер қалалары), Оңтүстік Корея (Сеул, Пусан қалалары), Ресей (Мәскеу, Санкт-Петербург, Қазан, Астрахан, Омбы қалалары), АҚШ (Вашингтон, Нью-Йорк, Сан-Франциско қалалары), Түркия (Анкара, Анталья, Ыстанбұл қалалары) Өзбекстан (Ташкент қ.) мен Жапониядағы (Токио қ.) шетелдік мекемелерінде сәтті жұмыс істейді”, – делінген министрлік хабарламасында.
