Белгілі продюсер, актриса және тележүргізуші Баян Алагөзоваға «Қазақстан Республикасының еңбек сіңірген қайраткері» атағы берілді. Бұл туралы ол өзінің Instagram парақшасында бөлісті, деп хабарлайды Qaz365.kz.
Мемлекеттік марапатты мәдениет және ақпарат министрі Аида Балаева табыстаған.
– Достар! Баршаңызды Республика күнімен құттықтаймын! Бүгін мен үшін ерекше күн – анамның арманы орындалды. Мен «Қазақстан Республикасының еңбек сіңірген қайраткері» атандым. Бұл жоғары марапатты мәдениет және ақпарат министрі Аида Ғалымқызы Балаеваның қолынан алдым. Бұл мен үшін үлкен құрмет әрі зор жауапкершілік. Отаныма қызмет етемін! – деп жазды продюсер.
